Өскемен-Шымкент бағыты бойынша жаңа тұрақты рейс ашылды

"Өскемен әуежайы" АҚ Өскемен-Шымкент бағыты бойынша жаңа тікелей тұрақты рейстің ашылғаны туралы хабарлайды. 1-ші маусымнан бастап Шымкентке SCAT авиакомпаниясы аптасына 5 рет — дүйсенбі, сейсенбі, сәрсенбі, жұма және жексембі күндері ұшатын болады. "Біз бұл бағыт жолаушылар арасында сұранысқа ие болады деп күтеміз, өйткені Шымкент әуежайы одан әрі ірі шетелдік қалаларға — Мюнхен, Будапешт, Мәскеу және Ыстамбұлға қосылатын рейстерге қолайлы мүмкіндіктер береді", - деді "Өскемен әуежайы " АҚ президенті Серік Оразғалиев. Жаңа бағыт Шығыс Қазақстан облысынан ұшу географиясын кеңейтеді және өңір тұрғындарына іскерлік сапарлар үшін де, туристік саяхаттар үшін де қолайлы. Билеттер сатылымда бар. Рейстердің егжей-тегжейлі кестесі мен брондау шарттары авиакомпанияның веб-сайтында және кассаларында көрсетілген.